ახალშობილის კანის მოვლა

მოამზადეთ საბანაო წყალი (ოპტიმალური ტემპერატულა 37-38 გრადუსი, გამოიყენეთ გასაზომად სპეციალური თერმომეტრი). ფრთხილად ჩააწვინეთ ბავშვი აბაზანაში, ზურგის, თავის და დუნდულოების დაჭერით. პირველ რიგში დაბანეთ სახე და თავი, შემდეგ ტანის დანარჩენი ნაწილები. ბანაობის შემდეგ უნდა გადაავლოთ სუფთა წყალი. ბანაობის შემდეგ ტენის ნარჩენები ნაზად უნდა შეამშრალოთ თბილი პირსახოცით: გახსოვდეთ რომ ჩვილის კანი ძალზე ნაზია, ამიტომ არ შეიძლება პირსახოცის გასმა. ახლა ბავშვს შეიძლება ჩააცვათ წინასწარ მომზადებული სუფთა სამოსი. მთელი პროცედურა 15-20 წუთს იკავებს-პატარას მოქცევის მიხედვით.

ბანაობისას შეიძლება არ გამოიყენოთ სპეციალური საშუალებები. აუცილებელია გახსოვდეთ, რომ მჟავური საპონი და ძალზე ხისტი წყალი დერმატიტის პროვოცირებას ახდენენ.

ჩვილის კანის მოვლის საშუალებები⁶

მოვლის საბავშვო საშუალებებს განსაკუთრებული მოთხოვნები წარედგინება:

• საბავშვო ლოსიონი კანის ფრთხილი გაწმენდისთვის არ უნდა შეიცავდეს ხელოვნურ სურნელებას და სპირტს;
• საბავშვო კრემს და ზეთს დამარბილებელი და დამცავი თვისებები გააჩნია, ამაღლებს ელასტიურობას და სიმკვრივეს, მათი გამოყენება შეიძლება კანის მოვლისას დერმატიტის შემდეგ;
• საბავშვო საპონი არ უნდა შეიცავდეს მჟავურ კომპონენტებს;
• არ ღირს საბავშვო შამპუნის გამოყენება წლამდე უფრო ხშირად, ვიდრე 1-2-ჯერ კვირაში⁵.

თუ ახალშობილს მშრალი კანი აქვს, ბანაობისთვის შეიძლება სპეციალური საშუალებების გამოყენება. მთელი კოსმეტიკა უნდა შეირჩეს მკაცრად ინდივიდუალურად. კრემის, ლოსიონის და სხვა საშუალების გამოყენებამდე დარწმუნდით, რომ ბავშვს არ აქვს ალერგია მასზე.

ჩვილის მშრალი კანისა და დერმატიტის პროფილაქტიკა⁷

ახალშობილის კანი ადვილად ღიზიანდება. უფრო ხშირად შემდეგი პრობლემები გვხვდება:

დერმატიტი. ყველაზე ხშირად შეხვევის და საფენის ტარების ადგილებში ვითარდება. წარმოადგენს კანის შეწითლებას ან შესიებას დუნდულოების, გარე სასქესო ორგანოების, ბუნებრივი ნაკეცების მიდამოებში. არასასიამოვნო შედეგი შეიძლება იყოს ინფექციის შეერთება, რაც ჩირქოვანი დაავადებების განვითარებას იწვევს. ბავშვი მტირალა, ჭირვეული ხდება, ცუდად ჭამს და ძინავს.

დერმატიტის განვითარების ერთ-ერთი მიზეზია ჩვილის გადაყვანა ბუნებრივი კვებიდან შერეულ ან ხელოვნურ კვებაზე. ეს იწვევს ცვლილებებს განავლის თვისებებში, მასში ალერგიული ფერმენტების შემცველობის ზრდას. ბავშვის დიდხანდ ტოფნა სველ საფენში იწვევს იმას, რომ ბავშვის შარდის კომპონენტები იწვევს კანის გაღიზიანებას.

როგორ მოვლას მოითხოვს ახალშობილის კანი დერმატიტისას? ეცადეთ, ბავშვმა რაც შეიძლება ცოტა დრო გაატაროს დასვრილ საფენში. ხშირად ჩაბანეთ გამდინარე წყლით, ფრთხილად შეამშრალეთ პირსახოცით, ჩაუტარეთ ჰაერის აბაზანები. ზოგ შემთხვევაში საჭიროა პედიატრის ან დერმატოლოგის კონსულტაცია მკურნალობის ეფექტური საშუალების დასანიშნად, განსაკუთრებით გართულების შემთხვევაში. დერმატიტის შემდეგ კანის აღსადგენად კარგად უნდა დავიცვათ ექიმის რეკომენდაციები და ჰიგიენის რეჟიმი.

მშრალი კანი შეიმჩნევა ჩვილზე მოვლის არასწორი საბავშვო საშუალებებისას, აგრეთვე გარემო პირობების ზემოქმედებით - მზეზე უზომოდ დიდხანს ყოფნა, ქარის ზემოქმედება. მაგრამ ზედმეტი სიმშრალე შეიძლება საგანგაშო ნიშანიც იყოს: ეს მეტყველებს გაუწყლოვნებაზე, სითხის არასაკმარისად მოხმარებაზე, ზოგ შემთხვევაში - არასწორ კვებაზე ან ენდოკრინული სისტემის დაავადებების განვითარებაზე. ამ პრობლემის მოგვარებაში დაგეხმარებათ პედიატრი8.

თუ ჩვილის კანის სიმშრალეს იწვევს მხოლოდ გარე ფაქტორები, ყურადღება მიაქციეთ სწორად მოვლას. შეცვალეთ გარემო ბანაობისას (ან უარი თქვით მასზე და დააკვირდით კანის მდგომარეობას). პედიატრთან ერთად შეარჩიეთ ხარისხიანი დამატენიანებელი კრემი, ზეთი ან მალამო სპეციალურად ჩვილის კანის მოვლისთვის.